20‏/07‏/2011

مشاكل فنين التبريد في سوق العمل قصة جميله منقوله

تعالوا نتكلم شويه عن مشاكل سوق العمل
واعتقد ان الموضوع ده هيفيد اي حد لسه داخل السوق جديد
يعني هنا في مصر مشاكل وهناك عندكم مشاكل
وده هيفيد من ناحيه ان اي حد داخل ساحة عمل جديده في دوله تانيه انه يكون علي درايه بمشاكل السوق فيها
وبما اننا متخصصون يبأه اكيد هنتكلم عن مشاكل تخصصنا
وكمان اللي عايز يضيف جديد يتفضل لان الغرض هوه الاستفاده
********
تعالوا الاول نتكلم عن اهميه دراية اي مهندس او فني جديد بمشاكل السوق
وكل واحد في السوق سواء شغال في شركه او شغال لحسابه يقولنا ايه المشاكل اللي هوه شيفها وشايف ان هيه ممكن تكون عقبه وقفه امام المهندسين اللي دخلين السوق جديد
***********
وادي مشكله من ضمن المشاكل (وادي جرح من الجروح)
انا شغال في احدي شركات التكييف وفي يوم كنت محتاج مساعد فقالو ان فيه مساعد جديد جي يشتغل خده معاك
وخدته وطلعنا خطة الصيانه اللي طلعنها
ولما اتعرفت عليه عرفت انه خريج كلية هندسه جامعة القاهرة قسم ميكانيكا بور
وعايز يتعلم التكييف لانه للأسف مش لاقي شغل
بصراحه انا زعلت وخليته معايا لانه مش هيستريح مع اي فني تاني
لان اغلب الفنيين في السوء غير انهم مش درسين الا انهم بيعاملوا واحد زي ده معاملة ورش وطبعا مينفعش***
***************
وادي جرح من الجروح
انا اول ما نزلت السوق اشتغلت مساعد مع فني كان مش فاهم اي حاجه (متستغربوش)واثبتلكم ده من خلال اللي شفته معاه(وعلي سبيل الميثال الجهاز منفس فريون بيشحنه ويمشي ولا يعالج تسريب ولا حاجه) وانا الراجل المتخصص كنت بشيل شنتطين وامشي مشاوير كبيره في الشارع وهوه ماشي فاضي بس كان لازم استحمل عشان اثبت وجودي بعد كدة كفني****
*****************
وادي جرح من الجروح
وكمان ومن ضمن المشاكل ان الفنيين اللي في الشركات ميحبوش انهم يعلموا المساعدين اللي معاهم لان ده هما شيفين انه هيأتر علي اهميتهم في الشركه*
******************
وكتير من المشاكل انتوا هتحكولنا عليها اكيد

ليست هناك تعليقات:

إرسال تعليق